VM - Vaktaálag og yfirvinna

Vaktaálag

Vaktaálag fyrir vaktavinnu (utan kl. 08:00 - kl. 16:00 mánudaga til föstudaga) er sem hér segir

• 35% á tímabilinu kl. 16:00 - kl. 24:00 mánudaga til föstudaga
• 55% á tímabilinu kl. 08:00 - kl. 24:00 laugardaga og sunnudaga
• 60% á tímabilinu kl. 00:00 - kl. 08:00 alla daga

Öll vinna vaktavinnumanna umfram 37 klst. á viku að meðaltali skal greidd með yfirvinnukaupi.

Vinna á stórhátíðum greiðist þó með yfirvinnukaupi auk fastra launa.

Sérreglur um skammtímavaktir

• Greiða skal 10 mínútur í yfirvinnu fyrir hverja unna vakt, þegar vaktavinna stendur yfir skemur en 1 mánuð. (Hér er ekki átt við lengd verka)
• Hafi vaktavinnutímabil verið áætlað skemmra en einn mánuður, en lengist síðan einhverra hluta vegna, skal þó eigi greiða þetta skammtímavaktaálag lengur en í einn mánuð.
• Hafi vaktavinnutímabil hins vegar verið áætlað lengra en einn mánuður, en lýkur þó innan mánaðar skal greiða skammtíma- vaktaálag á þær vaktir, sem unnar voru.

Fyrirvari og uppsögn vaktavinnutímabils

Sé fyrirhugað að taka upp vaktavinnu í fyrirtæki, þarf að tilkynna starfsmönnum þá fyrirætlan með fyrirvara, sem er háður lengd væntanlegs vaktavinnutímabils. Sama gildir um uppsögn vaktavinnufyrirkomulags:

Lengd vakta og neysluhlé

Starfsmaður í vaktavinnu hefur ekki matartíma nema um það hafi verið samið. Vélstjórar taka neysluhlé eftir því sem aðstæður leyfa eftir nánara samkomulagi við vinnuveitanda.

Vaktaskipta-/fataskipta-/þvottagjald

Greiða skal 15 mínútur í yfirvinnu fyrir hverja unna vakt fyrir þann tíma er fer til fataskipta, þvotta starfsmanna, svo og vaktaskipta á vinnustað (verkstæði), enda skiptast starfsmenn á nauðsynlegum upplýsingum við vaktaskipti og vinna stöðvist ekki á meðan.

Yfirvinnukaup

• Yfirvinna 1 greiðist með tímakaupi sem samsvarar 1,00% af mánaðarlaunum fyrir dagvinnu.
• Yfirvinna 2 greiðist með tímakaupi sem samsvarar 1,15% af mánaðarlaunum fyrir dagvinnu.

Stórhátíðarkaup

Öll vinna, sem unnin er á stórhátíðum (Nýársdagur, Föstudagurinn langi, Páskadagur, Hvítasunnudagur, 17. júní, Aðfangadagur jóla eftir kl. 12:00, Jóladagur, Gamlársdagur eftir kl. 12:00) greiðist með tímakaupi sem nemur 1,375% af mánaðarlaunum fyrir dagvinnu.

Útkall

• Þegar starfsmaður er kvaddur til vinnu eftir að dagvinnutímabili er lokið og hann er farinn af vinnustað skal hann fá greidda eina klst. auk unnins tíma, vegna röskunar á frítíma.
• Við þær aðstæður greiðist aldrei minna en þrjár klst. (ein klst. vegna röskunar á frítíma innifalin), nema dagvinna hefjist innan þriggja klukkustunda frá því hann kom til vinnu.
• Ákvæði þetta á ekki við vinnu sem unnin er í beinu framhaldi af dagvinnu eða yfirvinnu.
• Fyrir útkall á helgidögum greiðist ekki minna en 4,5 klst. (ein klst. vegna röskunar á frítíma innifalin).