MATVÍS - Veikinda- og slysaréttur

Laun í sjúkdóms- og slysaforföllum

Starfsmaður ávinnur sér rétt til launa í veikinda- og slysaforföllum sem hér segir: 

• Á fyrsta starfsári hjá sama atvinnurekanda, tveir dagar á föstum launum fyrir hvern unninn mánuð.
• Eftir eins árs samfellt starf hjá sama atvinnurekanda, einn mánuður á föstum launum.
• Eftir þriggja ára samfellt starf hjá sama atvinnurekanda, tveir mánuðir á föstum launum.
• Eftir fimm ára samfellt starf hjá sama atvinnurekanda tveir mánuðir á föstum launum og einn mánuður á dagvinnulaunum. 
• Réttur til launa vegna veikinda- og slysaforfalla er heildarréttur á 12 mánaða tímabili án tillits til tegundar veikinda. 

Vinnuslys og atvinnusjúkdómar

• Forfallist starfsmaður af völdum slyss við vinnuna eða slasast á beinni leið til eða frá vinnustað og eins ef starfsmaður veikist af atvinnusjúkdómi, skal hann halda dagvinnulaunum í þrjá mánuði umfram áunnin rétt. 
• Athugið að óvinnufærni af völdum slyss getur hvort heldur komið fram strax eftir slys eða síðar. Um sönnun og orsakatengsl fer samkvæmt almennum reglum.
• Ofangreindur rétur er sjálfstæður réttur og gengur ekki á veikindarétt starfsmanns.
• Dagpeningar frá Tryggingastofnun ríkisins vegna þessara daga ganga til launagreiðanda.